Tips Melatih Keikhlasan

Posting berikut ini penulis ambil dari blog terdahulu di aqse.multiply.com. Untuk menjaga keotensitasannya,  penulis hanya merubah judulnya saja dan tidak terlalu banyak diedit kembali. Mohon maaf jika bahasanya kurang dimengerti. 


Saran gue : kalo kamu lagi bad mood sebaiknye gak usah nerusin baca postingan ini. Percuma aje, paling cuman bikin puyeng, ngeselin, ato bahkan bikin sebel doang…. Nanti aje kalo mood-nye lagi asyik, bacanye diterusin,  okeh ?

Kualitas perbuatan di hadapan Alloh SWT tergantung dari niatnye. Seremeh apapun perbuatan baek nyang dikerjain dengan motivasi semate-mate ngarepin Ridho illahi, akan punye timbangan nyang berat dihadapan Alloh SWT. Tapi sebaliknye, sehebat apapun perbuatan baek nyang di kerjain dengan ngarepin pamrih selaen Ridho Alloh SWT, maka gak punye kualitas sama sekali dihadapan_Nye.

Waaaah, repot dong nih, kalo kite mati ngebawa segudang perbuatan baek, tapi gak direken ame Alloh SWT ? …hehehe… ye iyelah….. ribet !

Trus, gimane dong ah…? Yeeee…. Tentu aje kite kudu Latihan Ikhlas, mumpung masih dikasih hidup…..

Ikhlash itu adalah, berbuat baek dan benar semata hanya cuman ngarepin Ridho Alloh SWT doang saja. Titik, gak ade nyang laen. Titik.
Supaye bise Ikhlash, kite kudu sering latihan…… seperti berikut ini :

Nyang Pertame :

“Kalo di hormatin orang atawe ade nyang muji, maka ucapkanlah ~Astagfirulloh~ di dalem Hati”

Loooh koq astaghfirulloh sih, bukannye alhamdulillah ?

Di mulut / lisan boleh aje ngucapin alhamdulillah, dengan maksud supaye orang nyang ngormatin / muji jadi inget bahwa nyang berhak di puja-puji, di hormatin hanyalah Alloh SWT. Dialah satu-satunye nyang berhak dihormatin dan dipuja puji. Dialah pemilik segala puja-puji. Kepade Dialah sepantasnye penghormatan dan puja-puji ditujukan.

Tetapi, di dalem hati kite kudu ngucapin Astagfirulloh, karena nyang berhak di dipuji adalah Alloh SWT….. bukannye kite ! kemudian, buru-buru deh kite persembahin atawe kite balikin pujian tadi kepade Alloh SWT. Kenape harus beristighfar ? karena emang kite gak pernah ngarepin penghormatan dan pujian dari orang, jin, bahkan dari malaikat Jibril sekalipun. Nyang kite harap cuman penghormatan dan pujian dari Alloh SWT saja. Titik, gak ade nyang laen. Titik.

Kemudian, latihlah diri kite kendiri sampe bise ngerasain penderitaan sodare-sodare sesama muslim. Bahagiakanlah mereka yang menderita dengan harte, ilmu, atawe sekedar senyum tulus dan do’a nyang terbaek. Kalo ade nyang ngucapin terime kasih ame kite, maka beristighfarlah  dan berdo’a sbb :

“Ya Alloh, jadikanlah Hamba lebih baek dari nyang disangkanye. Dan ampunilah dosa-dosa, aib, cacat-cela, dan kesalahan-kesalahan hamba nyang hamba gak tau. Dan janganlah Engkau siksa hamba akibat pujian ini.”

Nyang kedua :
“Kalo lo dicela, dihina, diremehin, atawe direndahin orang, maka ucapkanlah ~Alhamdulillah~ di dalem hati”

Inget ! di dalem hati bukannye di lisan / lidah. Kalo ade nyang nyela,  trus lo ngomong “Alhamdulillah” paling-paling cuman nambahin orang itu bikin dosa lagi. Koq gitu ? lah iyelah… orang itu akan bilang loe, “sok alim luh, jaim luh, dlsb”. Betul khan ? nah makanye ngucapin alhamdulillah-nye didalem hati aje.

Bersyukurlah, karena sesungguhnye hinaan dan celaan itu bisa aje merupakan pujian dan sanjungan nyang ketutupan ame busuknye hati dan mulut orang itu. Dan berterima kasihlah kepade Alloh SWT, karena udeh di tunjukkin cacat, cela, aib dan kegoblokan diri kite kendiri. Ketahuilah, kalo seseorang dikehendakin bakal jadi orang baek, maka akan di tampakin dosa-dosa, aib, cacat-cela  dan kesalahan-kesalahannnye.

Nyang ketiga :
“Kalo dijelek-jelekin bahkan di fitnah, maka buru-buru ~bersujud syukur~”

Btw, lo tau gak caranye sujud syukur ? kalo belom tau nanya dong ah….. nanyanye bukan ame gue, tapi ame ustadz di pengajian loe masing-masing.
eeeh……. Ade nyang ngejawab gini, “halaaah.. gue aje gak pernah ngumpul di pengajian, bro….” Buat nyang begini gue cuman bisa bilang, “au ah gelaaap…..”

Kalo kite berada pade kebeneran nyang haq menurut Alloh SWT, lalu kite dicurigain, dijelek-jelekin, bahkan difitnah, lalu kite bersujud syukur maka :

   1. Rezeki orang nyang nge-jelek-jelekin dipindahin ke kite.
   2. Dose-dose kite dipindahin ke orang nyang nge-jelek-jelekin.
   3. Pahala orang nyang nge-jelek-jelekin dipindahin ke kite.

Annamimah (ngomongin orang) itu ada 2 macem :
   1. kalo emang bener nyang diomongin, maka di sebut ghibah=ngerumpi=ngegossip=dosa
   2. Kalo salah nyang di omongin, maka di sebut fitnah=dusta=dosa gede !

Ghibah dan Fitnah itu timbulnye dari kedengkian atawe dari kotornye hati dan mulut. Sebenernye orang nyang demen banget ngomongin kejelekan orang laen (bener atawe salah) berarti udeh ngubur dalem-dalem potensi-potensi positif nyang ade di dalem dirimye kendiri…. Nah tuh, rugi khan ?...

Weeit…… panjang amat nih postingan. Biarin deh…… :)

WALLOHU A’LAM BISSHOWAB…
~al faqir aqse syahid~

Subscribe to receive free email updates:

0 Response to "Tips Melatih Keikhlasan"

Posting Komentar