Milih Mantu

Taro' Kate Si Marpu'ah Jadi Bejodo Ame Si Bidin, Belon Tentu Tuh Anak Idupnye Dibikin Senang.. Loe Kan Tau Kendiri Si Bidin Tiap Ari Kerjenye Ude Bisa Diapalin, Bangun Tidurnye Aje Ude Wayah Siang... Hobbynye Duduk Bengong Sembari Ngitungin Orang Liwat, Abis Ngupi Segelas Terus Ambil Joran Pegi Mancing... Pulangnye Maenin Burung Dare Nyari Bandangan Mablang, Pendek Kate Masa Depannye Ude Ketebak Bakalan Gimane...

Kalo Menurut Pendapet Gue Sih Mendingan Juga Si Tabrani Tuh, Biar Kate Jidatnye Rade Jenong Dikit Tapi Rajin Nyari Duitnye... Tiap Ari Bangun Pagi Kagak Pernah Telat, Abis Sembahyang Subuh Terus Die Ngibrit Jadi Agen Koran... Kelar Urusan Koran Langsung Bebenah Siap2 Berangkat Kuliah, Pulang Kuliah Cari Sambilan Jadi Supir Angkot Tembakan, Tabrani Orangnye Alim, Kagak Lupe Ame Sembahyang Lime Waktu, Ulet, Pekerja Keras, Imet, Dapet Duit Die Kumpulin Dikit2 Buat Bayar Biaya Kuliahnye Kendiri...

Pantesnye Kalo Bole Gue Reken... Ini Baru Namenye Anak Betawi Masa Depan, Nyang Punye Semangat Tinggi... Contohnye Kayak Si Tabrani Nyang Idupnye Kagak Gampang Nyerah... Ude Deh Marhame Kalo Menurut Gue Sih Sebaeknye Si Tabrani Loe Pungut Aje Jadi Mantu... Gue Cuman Bisa Do'ain Semoga Aje Nti Si Marpu'ah Idupnye Senang Dunie Akherat... Ini Ude Wayahnye Sore, Nah Coba Paranin Deh Longok Bentaran Anak Perawan Betawi Kudu Ade Dirume Sebelon Bunyi Bedug Maghrib...

Subscribe to receive free email updates:

3 Responses to "Milih Mantu"