Tanda-Tanda Iman Pinjaman dan Iman Pemberian

Posting berikut ini penulis ambil dari blog terdahulu di aqse.multiply.com. Untuk menjaga keotensitasannya,  penulis hanya merubah judulnya saja dan tidak terlalu banyak diedit kembali. Mohon maaf jika bahasanya kurang dimengerti. 



Si iman sering ilang-ilangan, jadi repot nich nyarinye, padahal kalo gak ade si iman kite gak bakalan bisa seneng-seneng on the next world, malahan pasti...pasti..pasti keblangsak di neraka. ngomong-ngomong ente ngerti keblangsak gak nih ? :)

Man, Maaan.... ente dimane sich ? tau-tau ade jawaban haluuuuuus banget sampe nyaris tak terdengar (kek iklan mobil solar ye?)..... wwwoii, ini gue di dalem Hati Lo.... Postingan apaan sih nih ! au ah gelap.....

Asal katenye iman, ditambah awalan ber- jadi beriman.... (ane kek guru bahasa ye..?) hehehe.....
kalo awalan -ber ditambain ke kate dasar, maka itu berarti punye atawe memakai,  jadi orang beriman itu artinye orang nyang punye iman, orang nyang memakai iman... (tuh khan bener kek guru bahasa)
biarin deh..... hehehe...
Dalam bahase arab orang beriman itu disebut al-mukmin.

Beriman itu bukan gelar/predikat nyang diberikan oleh ortu kite, calon mertua kite, tetangga kite, pacar kite, atau siapapun.... Bukan ! Tapi Mukmin itu predikat nyang Alloh berikan kepade orang-orang yang dicintaiNYE... Gak ade universitas nyang bisa ngasih predikat / gelar Mukmin kepade seseorang..... Gak ade baju / pakean nyang bisa bikin orang jadi beriman.... Walopun kite pake baju koko atawe pake baju gamis, atawe pake peci, sorban dlsb, gak musti tiba-tiba jadi orang nyang beriman..... iye khan ? Dan gak ade tempat nyang bisa bikin kite tiba-tiba jadi orang beriman, misalnye, nyang nongkrong di masjid itu belon tentu orang beriman semua, bisa aje khan maling sendal, koruptor atawe tukang tipu ? (nah loooh.....)
 
Iman gak bisa di beli, soalnye kalo bisa dibeli maka orang-orang kaya doang nyang beriman, dan orang miskin gak pade punye iman..... Tul khan ?
Tapi, iman bise dijual, misalnye, ade orang nyang dititipin sedikit iman oleh Alloh SWT, kemudian die kelaperan, anak-bininye juge kelaperan, trus ade nyang nawarin mie instan dengan syarat pindah igame, eeh... trus die mao aje.... itu artinye die jual imannye dengan mie instan..... ade lagi nyang anak-nye kagak bise sekolah, trus ade nyang mao nyekolain anaknye dg syarat kudu pindah keyakinan, trus die terime..... die tuker imannye ame duit.... bego ye ?... iye bener sih, biasenye nyang begitu nyang bego doang, alias nyang berigame kagak pake mikir, alias cintenye ame dunia lebih gede daripade cintanye ame ALLOH dan RosulNye....
 
Iman itu semata-mata dari  Alloh SWT kepade hamba-hambaNYE nyang dikehendakin..... ade nyang sifatnye pinjaman /titipan, dan ada juga yang pemberian.... (waaah apaan sih ni..?)
Iman pinjaman / titipan, sewaktu-waktu akan ditagih kembali oleh nyang minjemin / nitipin, Yaitu Alloh SWT.

Apabila Alloh SWT  mao ngambil kembali Iman dari hati seseorang, maka dilakukan dengan cara nyang lembut, empel-empel, sedikit demi sedikit, supaye orang tersebut punye kesempetan untuk bertobat memperbaiki dirinye...

Tanda-Tanda Iman Pinjeman / Iman Titipan akan diambil oleh PEMILIKNYE :


1. Orang tersebut diberi kesibukan luar biase sehingga gak ade waktu, gak sempet lagi mmempelajarin Al-Qur'an dan Assunnah.

2. Diberi waktu buat mempelajarin Al-Qur'an dan Assunnah tetapi gak di beri pemahaman nyang lurus, nyang bener.

3. Diberi kemampuan untuk memahamin Al-Qur'an dan Assunnah dengan bener-lurus tapi gak di beri kemampuan buat mraktekin /ngaplikasiinnye di kehidupan nyata.

4.Di berikan kemampuan buat ngaplikasiin / mraktekin Al-Qur'an dan Assunnah, tapi gak diberi kemampuan buat Ikhlas.

5. Diberi kemampuan buat Ikhlas berbuat baek, tapi gak diberi kemampuan buat mempertahanin keikhlasaanye sampe akhir hayat.
 
Iman Pemberian... nah ini baru asyiiiik..!

Tanda-Tanda Iman Pemberian :

1. Bisa bersabar kalo ketimpe musibah.
2. Bisa bersyukur dengan nikmat walopun sepele.
3. Selalu Ridho dengan takdir walopun pahit.

udeh dulu ach.... kepanjangan gak sih ?


Wallohu a'lam bishowab.

Subscribe to receive free email updates:

0 Response to "Tanda-Tanda Iman Pinjaman dan Iman Pemberian"

Posting Komentar