Setelah ngubek-ngubek aneka kamus negeri antah berantah dan setelah ngebet-ngebet ensiklopedia alam jin, ternyata Penulis sampe saat ini lom nemuin pengertian dan definisi nyang tepat buat ketiga kate tersebut (Bodoh, Bego dan Tolol). Penelusuran pada dunia 13 dimensi-pun belon juga ngebuahin hasil nyang diharepin. Untuk ntulah penulis mengajak kepade sidang pembaca nyang terhormat agar supaye nyebarin "Definisi dan Pengertian terbaru ini".
Definisi dan Pengertian Bodoh, Bego dan Tolol
Gak peduli tinggal dimane, Gak peduli babenye siape, Gak peduli tingkat pendidikannye ape.. mo s1, s2, s3 atawe es balok, pokoknye Orang nyang bodoh adalah orang nyang nganggep dan mengira ciptaan Alloh SWT sebage Tuhan. Yang paling bodoh adalah nganggep, ngira dan memperlakukan ciptaan Alloh SWT sebagai Tuhan. Makhluk nyang nyembah makhluk. Ciptaan nyang nyembah Ciptaan.
Gak peduli tinggal dimane, Gak peduli babenye siape, Gak peduli tingkat pendidikannye ape.. mo s1, s2, s3 atawe es balok, pokoknye Orang nyang bego adalah mereka nyang mengira dirinye "kandidat penghuni surga" padahal sebenernye calon ahli norake.
Gak peduli tinggal dimane, Gak peduli babenye siape, Gak peduli tingkat pendidikannye ape.. mo s1, s2, s3 atawe es balok, pokoknye Orang nyang tolol adalah mereka nyang gampang banget ketipu oleh orang bodoh dan oleh orang bego sehingga nganggep semua igame adalah bener.
hehehe.. gak usah dipikirin dan diambil ati yee.. definisi di atas cuman ngerahul-nye seorang anak betawi.. hehehe..
ehh, tau tau ada nyang nyeletuk : "ahh sok atau ente.. Darimane ente tau kalao "ada pembaca" tulisan ini nyang kemudian mikirin dan ngambil ati ?"
maka penulis menjawab : "ye tau dong.. dari lintasan fikiran dan perasaan "beberapa pembaca" nyang kepengen banget menyatakan : Penulis tulisan inilah yang sebenarnya bodoh, bego dan tolol !!!... gitu."
eehh, diye penasaran nyeletuk lagi :"lah koq, ente bisa tau kalo ada nyang kepengen banget ngomong begitu ?.. kayak dukun aje ente ! .. hahaha.."
maka penulis menjawab : "yawdeh terserah ente aje dahh .. tapi kalo ente bener-bener mao tau jawabannye, silakan aje klik LINK NYANG INI."
udeh.. begitu aje.
al faqir aqse syahid
udeh.. begitu aje.
al faqir aqse syahid
Tidak ada komentar:
Posting Komentar