TOLOL LU



Tardam orang Cirebon, cuman bisa jadi kang minta-minta, lantaran kakinye buntung. Kerne gak ikut Assosiasi pengemis, die terpaksa free lance dan kebagian tempat nyang ramenye cuman ame motor dan bajaj lewat nyang kalu lewat situ pasti pade kenceng.

Gak lame lewat pengendara motor pelan. Keliatannye Betawi. Tardam langsung angsongin tangan sambil ngomong “ kasihlah pak.. kaki saya buntung”. Rupanye ni Betawi lagi dongkol lantaran obyekannye gagal, bensin nipis duit cekak, mane dari pagi belon makan dan mulutnye asem gak ngeroko. Ni Betawi kontan nyambut, bicaranye kenceng banget “ emang kalu buntung kenape? Lu minta gue sambung” Tu Betawi langsung tancep gas. Tardam keliatan sedi.

Gak lama ade bajaj ngebut nyang ampir nabrak Tardam. Kang bajaj turun dan marah-marah “Hei..kang minta-minta, ude buntung lu kagak punya otak yee..minta-minta jangan ditengah jalan”. Tardam ngerasa terhina harga dirinye kelewat diinjek ame kang bajaj. Die langsung ngebales omongannye kang bajaj ”hei..tukang bajaj. Lu yang kagak punya otak. Lu nabrak orang buntung aje kaga kena. Tolol lu”
(RS-ememka/April 2011)


Subscribe to receive free email updates:

0 Response to "TOLOL LU"

Posting Komentar