Inget Sewaktu Kecil : Nembak Kuping Mpok Mimin

Inget Sewaktu Kecil : Nembak Kuping Mpok Mimin


Engkong Se'an Saking Sayangnye Ame Cucu... Pagi-Pagi Banget Die Ude Ngorak-Ngorak Papan Kayu Nyang Banyak Ngonggok Dipojokan Rume, Lantas Die Ambil Gergaji, Pahat, Martil, Paku Pokoknye Segale Perabotan Tukang, Rupenye Dikandung Maksud Engkong Se'an Mau Bikinin Cucunye Senapan Tembak-Tembakan Nyang Pelornye Dari Buah Pu'un Tablo, Singkat Cerite Pas Tengari Sebelon Lohor Tembak-Tembakan Pun Ude Kelar Dibikin.... Maka Sang Cucu Dipanggilnye :
-" Rusdi, Kemari Tong... Coba Nih Lo Jajalin Tembak-Tembakannye"
Nyang Dipanggil Nyautin 
-" Bek, Mane Kong Tembak-Tembakannye...?"
Kong Se'an Dengan Nunjukin Hasil Karyanye Sepucuk Senjata Laras Panjang Terbuat Dari Papan Kayu, Terus Diserahin Ame Sang Cucu Tercintanye...
 -" Nih.. Ambil Deh, Tapi Inget Ye Jangan Buat Nembak Sembarangan... Nti Ngerugi'in Orang Laen"
Bukan Maen Girangnye Ati Sang Cucu Dibuatnye...
-" Terime Kasi Ye Kong..." Sang Engkong Menatap Cucunye Dengan Mate Nyang Berkaca-kaca Sebab Rasa Haru...
-" Iye Pegi Maen Sono Deh, Engkong Mau Ambil Aer Sembahyang Dulu Ude Mau Lohor Nih"
Rusdi Kecil Langsung Ngeloyor Pegi Maen Nyari Buah Tablo Buat Dijadi'in Pelornye...Sembari Bawa-Bawa Senapan Kayu Bikinan Engkong Kebangga'annye... Kagak Lame Pelor Buah Tablo Ude Die Kumpulin Ampe Dapet Sekandut...
Baru Berape Tindak Die Jalan...Tiba-Tiba Ade Burung Prenjak Nyang Lagi Nangkring Ditiang Jemuran... Maka Rusdi Kecil Mengarahkan Moncong Senapannye.... Lalu Slepeeed... Burungnye Melesat Terbang Kagak Kena Ditembak... Tapi Dari Balik Jemuran Kedengeran Ade Suare Nyang Betereak... -" Aduuuh..!"
Rupenge Ade Mpok Mimin Lagi Nekepin Kupingnye.... Kalo Gitu Mpok Mimin Baru Aje Jadi Korban Penembakan Pelor Nyasar... Rusdi Kecil Berase Salah.. Terus Pegi Nyamperin Mpok Mimin Nyang Masih Nyengir-Nyengir Kesakitan... Terus Die Cium Tangannye Sembari Ngucapin Permohonan Ma'apnye.



Tidak ada komentar:

Posting Komentar

Contact Us

Nama

Email *

Pesan *

Back To Top